KSP

Kulang sa pansin,
Malungkot na damdamin,
Bumabalot sa akin.

Parang 'di nakita,
Ni pagbati, wala,
Parang walang naalala.

Pumasok sa eskwela,
'Di ako kilala,
Dahil sa sulok ako'y mag-isa.

Daan sa cafè,
'Di para magkape,
Kundi maglaro si Pepe.

Tatambay sa isang tabi,
Para magpagabi,
Nang walang sabi-sabi.

Uwi mag-isa,
Matutulog na sana,
May sorpresa pala,

Kaklase at kaibigan,
Pamilya, mga pinsan,
Kumpleto sila sa aking kaarawan.

Gabing napakasaya,
Lungkot napawi na,
Araw ko, kumpleto na.